ບໍລິບານເພສັຊກັມ
ຫລັກສູດປະລິນຍາຕີ
ສາຂາບໍລິບານເພສັຊກັມ
- ມີຄວາມຮູ້ທາງດ້ານການບໍລິບານເພສັຊກັມແລະເພສັຊກັມຄລີນິກ, ກວມເອົາທາງດ້ານການບໍລິຫານຈັດການດ້ານເພສັຊກັມການບໍລິຫານຄຸ້ມຄອງຢາ, ສະໜອງຢາທີ່ມີປະສິດຕິພາບ, ມີຄວາມປອດໄພ, ຄຸ້ມຄ່າຄຸ້ມລາຄາແລະສົມເຫດສົມຜົນ.
- ມີທັກສະທາງດ້ານການບໍລິຫານຄຸ້ມຄອງຢາ, ມີທັກສະໃນການປະເມີນບັນຫາທີ່ເກີດຈາກຢາ, ມີທັກສະໃນການແກ້ໄຂບັນຫາທີ່ເກີດຈາກຢາ, ມີທັກສະໃນການແນະນໍາວິທີການນໍາໃຊ້ຢາ ແລະການປະຕິບັດໂຕທີ່ຖືກຕ້ອງແກ່ຄົນເຈັບ ແລະ ມີທັກສະທີ່ດີໃນການພົວພັນ, ເຮັດວຽກກັບທີມວິຊາຊີບສຸຂະພາບອື່ນເຊັ່ນທ່ານໝໍ, ພະຍາບານ ເປັນຕົ້ນ.
- ມີທັກສະໃນການຄົ້ນຄ້ວາວິທະຍາສາດເພື່ອມາພັດທະນາວຽກງານທາງດ້ານການບໍລິບານເພສັຊກັມ.
- ມີຄວາມສາມາດນໍາໃຊ້ຄວາມຮູ້ແລະທັກສະເຂົ້າໃນການເຮັດວຽກຕົວຈິງໃຫ້ມີປະສິດຕິພາບ.ການເຮັດວຽກຕົວຈິງແມ່ນກວມລວມເອົາໝົດທຸກຂົງເຂດວຽກງານເພສັຊກັມທັງພາຍໃນແລະສາກົນ.
- ມີຄວາມສາມາດໃນການເຜີຍແຜ່ຄວາມຮູ້ ແລະນໍາສະເໜີຂໍ້ມູນຂ່າວສານດ້ານຢາທີ່ຖືກຕ້ອງແກ່ສັງຄົມ.ພ້ອມນັ້ນກໍ່ຍັງສາມາດເຮັດວຽກຕາມຈັນຍາບັນວິຊາຊີບຂອງຕົນເພື່ອຊ່ວຍເຫຼືອສັງຄົມໃຫ້ມີການນໍາໃຊ້ຢາຖືກຕ້ອງ, ເໝາະສົມ, ປອດໄພແລະຍົກສູງຄຸນນະພາບຊີວິດຂອງຄົນໃນສັງຄົມ.